• Email to friend
• Add to Bookmark
• Send your feedback
• Printer Friendly

मोडलिङबाट ग्ल्यामर क्षेत्रमा प्रवेश गरेकी रेखा थापा नायिका हुदै निर्माताको समेत अनुभव सम्हाली सकी हाल चलचित्र निर्देशनमा पनि ब्यस्त छिन् । छ दर्जन जति चलचित्रमा नायिका बनेकी थापा \'अजम्बरी नाता\' बाट निर्माताको रुपमा परिचिति भइन् । चलचित्र अजम्बरी नाता, हिम्मत र किस्मत जस्ता चलचित्रको निर्माण गरिन् । \'हिफाजत\' को निर्माण र सह निर्देशनमा ब्यस्त रेखा भन्छिन्- \'भविष्यमा म निर्देशक भएर दर्शक सामु देखा पर्ने छु ।\'

ब्यस्तताको वावजुद आगामी दशैंमा मलेसियामा आयोजना गरिएको \'\'विजयदशमी लाइभ कन्सर्ट २०६५ मा मलेसिया आउदैछिन् । यसै सिलसिलामा नायिका रेखा थापाले प्रस्तुत गर्ने कार्यक्रमको वारेमा आयोजक नेपाल विजनेश सोसाइटी अफ मलेसियालाईले गरेको संक्षिप्त कुराकानी यहां प्रस्तुत गरिएको छ ।

० तपाईले मलेसियामा हुन गई रहेको \'विजयदशमी लाइभ कन्सर्ट २०६५\' मा कस्तो पर्फमेन्स दिदैहुनुहुन्छ ?

- मैले सकेको मेरो क्षमताले भ्याएसम्म वहाहरूलाई निराश पार्ने छैन । नेपाली दर्शकमात्र नभएर त्यहा उपस्थित अन्य विदेशी दर्शकहरूको समेत मन जित्न भरपुर प्रयास गर्ने छु । यहाहरूको मायाले नै म जान लागेको हु ।

- मैले सुनेको छु । मलेसियामा धेरै भन्दा धेरै हाम्रा दाजुभाई तथा दिदीबहिनीहरूले डिजी टेलिकम्युनिकेशन प्रयोग गर्ने गर्दछन् । धेरैजसो मलेसियाबाट मलाई आउने कलहरूमा पनि डिजीको नम्बर हुने गर्दछ । नेपालीहरूले डिजीको व्यापार गरिदिएका छन् । त्यसैगरी डिजीबाट नेपालीहरूको सहयोगार्थ कार्यक्रम गरेकोमा डिजीलाई म धेरै धैरै धन्यवाद दिन्छु । म धेरै खुशी पनि छु ।

०००