• Email to friend
• Add to Bookmark
• Send your feedback
• Printer Friendly

नेपाल विजनेदश सोसाइटी अफ मलेसियाले यसपालीको हरिरायामा विजयादशमी लाइभ कन्सर्टको कार्यक्रम आयोजना गर्दैछ । वर्षेनी हुने कार्यक्रमभन्दा यसपालीको कार्यक्रमले धेरै छाप छोड्ने कुरा आयोजक टोलीले विश्वास गरेका छन् । कार्यक्रम नेपालबाट आमन्त्रित ८ जना कलाकारको उपस्थितिमा सम्पन्न हुनेछ । ति कलाकारहरूमा चर्चित पप गायक धिरज राई, चर्चित नायिका रेखा थापा, आरजे कोमल वली, नायिका ऋचा घिमिरे, गायिका राधा राई र हास्यकलाकार टोली कुञ्जना घिमिरे, सिताराम कट्टेल र केदार घिमिरे रहेका छन् ।

कार्यक्रमलाई मलेसियाको चर्चित डिजी टेलिकम्यूनिकेशनले प्रमुख प्रायोजन गरेको छ । झण्ढै ९९ प्रतिशत नै डिजीद्धारा प्रायोजन भएको कार्यक्रमबाट नेपाल विजनेश सोसाइटी अफ मलेसियालाई एउटा ठूलो कोष खडा हुने भएको छ । उक्त कोषबाट दुर्घट्नामा मृत्यु भएको मृतकको परिवारलाई सहयोग, काम गर्दा गर्दै दुर्घटना हुन गएमा, कम्पनीले सहयोग नगरेको खण्डमा उपचारको लागि र नेपालमा प्राकृतिक प्रकोपबाट धनजनको क्षति हुन गएमा सहयोग गर्ने भएको छ ।

मलेसियाको तीन ठाउँमा हुने भएको कार्यक्रम १ अक्टोबरमा बुकित किरा इन्डोर दमनसारा, केएल, २ अक्टोबरमा जोहोर र ५ अक्टोबरमा पेनाङमा हुनेछ । केएलको लागि कार्यक्रम स्थलसम्म २८ वटा बसको व्यवस्था समेत भएको छ भने आरएम २० को टिकटदरमा कार्यक्रम स्थल हलमा छिर्दा छिर्दै आरएम १० को डिजी रिलोड गरिनेपनि भएको छ । प्रस्तुत छ, उक्त कार्यक्रमको लागि आमन्त्रित कलाकार राधा राई संगको कुराकानी ।

बाह्र वर्षमा खोला र्फकन्छ भन्ने नेपाली उखानै छ, तर राधा राईको सन्दर्भमा त नौ वर्षमै फक्र्याे होइन ?

- र्फकेकै हो । बाह्रमा नभएर नौ वर्षमै खोला फर्किनुको पछाडि राधा राईको लगावले यसो हुन गएको हो । मैले गरेको मेहनतको सही पहिचान भएको हो भन्छु म ।

नयाँ प्रतिभा खोज्ने बीबीसी नेपाली सेवाको अभियानमा विजेता बनेपछि मात्रै चर्चामा आएकी होइन राधा राई ?

-एक हदसम्म सही हो । बीबीसीमा विजेता नबनेकी भए इमेज अवार्ड त छँदै थियो नि ।

चिठ्ठा नै पर्‍यो होइन २०६४/६५ मा त ?

-चिठ्ठा नै त नभनुँ । यो एउटा मीठो संयोग मात्रै हो । मीठो संयोग हात लाग्नुअघि मैले गरेको मेहनत खेर गएन । मैले आफूसम्बद्ध विधामा गरेको मेहनत अनि उस्तै दुःख पनि त गरेकी छु ।

कस्तो दुःख ?

-मैले गरेकी दुःख भनेको त्यो हो, जसले श्रोतालाई राधा राई गायिका भनेर चिनायो । त्यो दुःख नगरेको भए म कुनै अर्कै क्षेत्रमा हुन्थें सायद ।

उपस्थिति कुन क्षेत्रमा रहन्थ्यो ?

-सायद बैङ्कको जागिरे हुन्थें । बैङ्कको जागिरेजस्तो लोभलाग्दो अर्काे जागिर हुन्छ जस्तो लागेको थिएन ।

इमेज अवार्डमा प्रतिपस्पर्धीका रूपमा रहेकी कुन्ती मोक्तानलाई पछाडि पार्दै उत्कृष्ट महिला गायिकाको उपाधि हात पारियो । त्यसैले कुन्ती मोक्तानभन्दा राधा राई उत्कृष्ट गायिका भइन् हो ?

-त्यसो होइन । म कुन्ती मोक्तान दिदीलाई सधैं आदर गर्छु । सम्मान गर्छु । उहाँ मेरो गुरु हुनुहुन्छ । तसर्थ उहाँभन्दा म कसरी उत्कृष्ट ठहरिन्छु ? एउटा संयोग मात्रै मान्छु- यसपालिको इमेज अवार्डमा उहाँसँगै प्रतिस्पर्धा गर्नु पर्‍यो । नतिजामा यस वर्षका लागि मेरो मेहनतको कदर मात्रै भएको हो ।

साङ्गीतिक कार्यक्रमका लागि मलेसिया आउँदै हुनुहुन्छ । कार्यक्रम आयोजक तथा प्रायोजकलाई के भन्नुहुन्छ ?

-सुनेकी छु- मलेसियाको निजी कम्पनी \'डीजी कम\'ले प्रायोजक रहेको हुन लागेको यो नै पहिलो साङ्गीतक कार्यक्रम हो । त्यस्तो कार्यक्रममा मलेसियामा रहेका नेपालीले राधा राईलाई पनि सम्झनुभयो । कम खुसी लागेको छैन । जसका लागि कार्यक्रम आयोजक तथा प्रायोजकलाई हार्दिक धन्यवाद अनि त्यहाँ रहेका नेपालीलाई पनि ।