कार्यक्रमको तयारिको सिलसिलामा एन आर एन कोरियाले शनिवार आयोजना गरेको एक जलपान कार्यक्रममा कोरियामा रहेका बिभिन्न संघ संस्थाका प्रतिनिधिहरुको उपस्थिति रहेको थियो ।

कार्यक्रमलाई सफल गराउनको लागि कोरिया स्थित सबै संघ संस्थाहरुले हातेमालो गर्दै देशको पर्यटन प्रवर्दनमा संयुक्त टेवा पुर्याउने प्रतिवद्धता गरिएको थियो । बुद्ध नेपाल अभियान एन आर एन कोरियाले नेपाललाई बुद्धको जन्म भएको देशको रुपमा परिचय गराउदै देशको पर्यटन प्रवर्द्धनमा सहयोग पुर्याउन थालनी गरेको अन्तराष्ट्रिय अभियान हो । उत्त कार्यक्रमको लागि नेपालमा ख्यातिप्राप्त भिक्षु गायीका आनि छोईङ डोल्मा अगस्ट ८ तारिख कोरियामा आउने कुरा एन आर एन कोरियाको बुद्ध नेपाल समितिका संयोजक श्री दिनेश हिराचनले जानकारि दिनुभएको थियो ।